Aap WhatsApp use karte hain ? agar haan to yah post sirf apke liye likhi jaa rahi hai. Pichhle kai dino se WhatsApp ke “New Privacy Policy” ko ley kar kaafi vivaad khara hua hai. Aaj hum unhi sabhi cheezon ke bare mein baatein karenge.
Kya Hai Mamla ?
WhatsApp ne haal hi mein apne users ke liye ek nayi Privacy Policy introduce ki hai. Jisme saaf taur par likha gaya hai ki wah apki informations apni parent company yaani Facebook se share kar sakte hain. Ji haan wahi Facebook jis par privacy breach ke kaafi ilzaam lag chuke hain. Ek messeging app ke iss tarah ke behaviour se humari-aapki kai saari private informations leak ho sakti hain.
Waise to Whatsapp apne app mein end-to-end encryption ki service dene ka dawa karta hai. Jiska matlab hai ki message bhejne wale aur paane wale ke beech koi bhi us message ko access nahi kar sakta hai.
Kehne ko yah kaafi mamuli baat lagti ho lekin jab koi private information leak hoti hai to uske destruction level ka hum andaza bhar laga sakte hain.
Informations Jo Whatsapp Collect Karta Hai
- Phone number jisse aap account banate hain
- Apki profile picture aur profile information
- Apke whatsapp contacts ke phone numbers
- Saare transactions aur payment data
- Location ki information
- Jis device se aap whatsapp use karte hain uss device ka model, operating system aur mobile networks.
- Apke device ka IP address, identifiers aur operations informations.
WhatsApp ki is nayi privacy policy ko agar aap reject karte hain to 8th February, 2021 tak apka account delete kar diya jayega. Iska matlab hai whatsApp pe rehna hai to unki sharton ko manna hi hoga. Aise mein yah sabki majburi ban jati hai ki unki privacy pilicy ko accept kar ley.
Privacy Policy Kitni Zaroori Hai ?
Ab zara iss baat ko samajhte hain ki kisi bhi application ko jisey hum istemaal karte hain. Uski policies se humein kya fark pad sakta hai.
Maan lijiye aap whatsApp par apne doston se parivar se ya apne office ke logon se baatein karte hain. Aur aap kai aisi tarah ki chizen share karte hain jo kisi bhi insaan ki personal property hoti hai. In data ko kisi company ke dwara use kiya jana apke against bhi ho sakta hai. Aur yah kaafi zyada destructive ho sakta hai.
Isliye yah bawal macha hai. Aur dekha jaye to kai hadd tak yah sahi bhi hai.
Kya Hai Upay ?
WhatsApp agar apni Privacy Policy me badlav nahi karta hai to humari maaniye humein kisi dusre trusted Messenger par shift ho jana chahiye.
Whatsapp ke update ke baad Tesla ke CEO aur is waqt duniya ke sabse ameer shaks Elon Musk ne 7th January, 2021 ko Tweet karke sabko “Signal App” use karne ki salah di. Aapko batate chalein ki yah app bhi whatsapp ki tarah hi ek messaging app hai aur whatsapp se kahin zyada apni privacy policy mein strict hai.
Elon Musk jaise insaan ke tweet ke baad to Signal app ke user base mein bhari ijaafa hua hai. Aur yah Google Play Store ke Top Charts mein apni jagah bana chuka hai.
Technology ke apne faayde aur nuksan hain. Aur islye humein waqt-waqt par khud ko upgrade karte rehne ki zaroorat hai. Sath hi yah bhi ki humari apni privacy aur security mein kisi bhi tarah ki mushkil na aaye.
Agar aap whatsapp se switch karke Signal par aana chahte hain to hum yahan Android aur iOS ke App Store ka link de rahe hain.
Signal App Link for Android
To aaj humne WhatsApp ke privacy policy se jude bawal ke bare me jaana. Apko humara yah article kaisa laga humein comment karke zaroor bataiyega. Aise hi desh-duniya se judi har choti-badi khabar paane ke liye humse jude rahe.
Dhanyawad!
Also Read : 5 Android Applications Jo Apki Zindagi Asan Kar Denge – 5 Useful Android Apps
