Kya China Ki Lab Me Banaya Gaya Tha Coronavirus?

CoronaVirus ne puri duniya mein jo tabahi macha rakhi hai wo to kisi se chhupi nahin hai. Lekin ho sakta hai shayad China ne bahot si baatein sabse chhupai hui hai. Wuhan ki lab se kuch khaas baatein samne aayi hain.

Doctor Li-Meng Yan China ki ek Virologist hain. Ab Virologist ka matlab wah Visheshagya jo Viruses ka gyata ho.

Dr. Li-Meng Yan Ka Khulasa

Dr. Yan University of Hong Kong ke School of Public Health se connected hain. Aur unka daawa chaunka dene wala hai. Wah kehti hain ki Corona Virus ko Wuhan mein sarkar ke control mein lab ke bhitar banaya gaya hai. Dr. Yan ne yahan tak kaha ki wah apne is daawey ke saboot bhi pesh kar sakti hain.

Ab hua yun ki Dr. Li-Meng Yan ko ‘New Pneumonia’ ki jaanch karne ko kaha gaya tha. Jo ki Wuhan shehar mein fail raha tha. Dr. Yan ne yah bhi kaha ki Corona Virus ke infection ko swikar karne se pehle hi China ki government iss bimari ke bare me janti thi.

Ab Dr. Yan ne Chinese Government ke khilaf whistle-blower ka kaam kiya, jiske karan unhe apne desh mein khatra mehsus hua. Isliye unhe kathit taur pe US jana pada aur wah abhi kisi secret location par reh rahi hain.

US ke hi apne secret location se Dr. Yan ne Loose Women ko diye ek interview mein aage bataya ki Corona Virus China ke kisi market se nahi faila hai. Balki isey lab mein banaya gaya hai.

Chinese Government Ki Hai Saazish?

Dr. Yan ne kaha ki yah Virus prakritik nahin hai, yah Chinese Military par based hai. Aur ZXC41 aur CC45 naam ke virus ki khoj hui. Iske base par hi prayogashala mein Corona Virus banaya gaya. Aur Chinese Government ne jo saari baatein batayi hai wo mehez ek cover-up hai.

Yah Virus lab se paida kiya gaya hai aur Lab Wuhan mein Chinese Goverment ke control se chalti hai.

Aage batate chalein ki Dr. Yan ne kaha ki unhone aur bhi scientists ke sath iss par kaam kiya hai aur jaldi hi ek detailed report duniya ke samne layengi.

Dr. Yan research ko publish karne wali hain jo ki 2 report mein baari-baari se publish hongi. Pehli report kuch hi dino me aa jani chahie.

Gyaat ho ki unhone yah bhi kaha ki iss report ke publish ho jane ke baad saare ke saare saboot logon ke samne aa jayenge aur wo chahengi ki baaki scientists bhi isey check karein aur verify krein.

Virus ke janm ki jankari humare liye kaafi mahatwapurn hai. Isey naa jaan paana humare liye hi khatra ho sakta hai.

Halaki China ki sarkar par Corona Virus ke cover-up ke aarop shuru se lagte rahe hain. Aur Chinese National Health Commission ke director ki taraf se safai bhi pesh ki gayi ki government ne isey cover-up nahi kiya.

Ab Dr. Yan ke report ka intezar rahega aur sath hi yah bhi jaanne ki jigyasa hogi ki akhir majra kya hai. Kya Corona Virus China ki hi koi chaal hai ya yah sach me ek prakritik aapda hai.

Jannne ke liye padhte rahein….Ghoomantar.