Corona Virus
China ke wuhan sheher se shuru huye Corona Virus ne puri duniya ko apne changul me fansa liya hai. Jahan china khud iss bimari se chhutkara pa ke shana ban raha hai, wahin baaki saare desh is mahamari se bachne ke upay aur ise khatm karne ke tarike dhund rahe hain.
Corona se abhi tak purey vishwa me 1 crore 20 lakh log, 9 July 2020 tak prabhavit ho chuke hain. Aur marne walon ki sankhya 5 lakh 48 hazar ke upar hai. Bharat me yah ankda 7 lakh se zyada prabhavit ka aur 21 hazar se zyada marne walon ka hai. Iske karan 22 March se purey desh me lockdown yani ki curfew laga diya gaya tha, taaki logo me sampark ko badhit kiya ja sake. Halaki lockdown ke baad Unlock ki prakriya bhi shuru ho gayi hai fir bhi school, college, bade shehron ke mall aur sarvajanik sthalo ko band hi rakha gaya hai.
Sabse achchi khabar ye hai ki corona ki Vaccine ki bhi aane ki soochna hai. Aur agar sab kuch thik raha to August tak Covaxin naam ki vaccine hamari pahuch me hogi. Isliye ghabrane ki zarurat nahi hai, humein bas suraksha rakhni hai aur zarurat padne par hi ghar se bahar nikalna hai. Hum sabhi is musibat me hain aur bina darey agar hum isse ladein to zaroor jeetenge. Yaad rahe hum sabko apni aur apne pariwar ki suraksha karni hai. Hum aisa kr lein to pura desh apne aap surakshit ho jayga.
Ab sawal hai ki ye Corona hai kya ? kya ye janlewa hai ? kya isse humein sach me darrne ki zarurat hai ? aur kya hum isse bachne ke upay kar sakte hain ?
Jawab ye hai ki Corona Chamgadad se nikla hua ek virus hai jise vaigyanikon ne COVID-19 naam diya hai. 19 isliye kyuki yah bimari 2019 me hi paida hui. Is bimari se jujh rahe mariz ko saans lene me taklif, bukhar aur thakaan hote hain. Aur aapko batate chalein ki is bimari me mrityu dar sirf 1 se 2 pratishat hai.
To haan aap ke bachne ki puri sambhavna hai. Ek baat aur, corona virus apke immunity pe hamla karta hai. Isiliye budhein logo ko isse sabse zyada khatra ho sakta hai. Aur hame isse darrne ki nahi isse ladne ki aur jeetne ki zarurat hai. Agar hum sab ek dusre ka sath denge to ise khatam kiya ja sakta hai. Corona se bachav ke liye Swasthya Mantralay ne nirdesh diye hain jaise, sanitizer aur hand wash ka lagatar istemaal apko bacha skta hai. Sath hi ek to bahar jane se bache, aur yadi jana pad jaye to face mask aur gloves ke sath hi jayein. Apki apni suraksha apke aur apke pariwar ke sath is desh ke liye bhi sarahaniya hogi.
Ab apko Corona/Covid-19 ke bare me takriban sabhi baatein humne bata di hai, ab apko apni samajh se kaam lena hai. Sabhi se achche se pesh aayein, ho sakta hai wo bhi is mahamari me arthik ya sharirik taur pe joojh raha ho. Suraksha ke sabhi niyamo ka palan karein. Apna aur apne pariwar ka khayal rakhein. Swasthya rahein, Surakshit rahein.
Delhi Ke 11 Famous Street Food. यहाँ पढ़े
Sadiyon Purani Daayan “Bloody Mary” Ki Kahani Ka Sach. यहाँ पढ़े
Varanasi mein 5 aisi jagahein jinhe dekhe bina apka Banaras pura nahin hota. यहाँ पढ़े
