Ab aapko pata hi hai ki TikTok ki wajah se Hindustan ke kitne naujawanon ko fizul ka rozgaar mila hua tha. Yahan tak ki Delhi ke Connaught Place mein apko kitne hi yuva phone ke sath nachte/gaate/mujra karte dikh jate hain. Lekin shukr hai ab apki ankhiyon ko ye saubhagya prapt nahi hoga. Kyunki Bharat me ab TikTok puri tarah se ban ho chuka hai. Na hi koi ab ye app install kar payega aur na hi jinke paas pehle se ye app hai wo use chala bhi payenge.
Hum ye nahi keh rhe ki apko TikTok par sirf aisi hi chizein milengi. Balki kuchh creators to qaafi upyogi aur kaam ki videos bhi daalte hain. Lekin ab sarkar ne faisla le liya hai to final hi samajhiye.
TikTok ko ek baar pehle bhi play store se hataya gaya tha. Lekin is desh ke mahan aur karmath yuvaon ki sena ne ise fir se wapas lane me safalta haasil ki. Wo bhi isliye taaki inka mujra kayam rahe. Youngsters me TikTok ko lekar gazab ka josh rahta hai. Aur humein lagta hai ki ye josh sirf aur sirf achche content ke liye rahe. Kyuki wo kehte hain na, “Content is the King”. Video creators ke paas aisa madhyam hota hai jiski wajah se wo kisi insaan ko kuch bhi karne ke liye prerit kar sakte hain. Ye taaqat hoti hai ek video ya content creator ki. Isliye humein hamesha achche videos, images aur baaki ke contents ko chunna chahiye. Taaki inhe badhawa mile aur hamara Digital Ecosystem khushnuma bana rahe.
TikTok ke Play Store page pe 1 Billion se zyada downloads hain. Matlab duniya ki 6 Billion population mein se 1 Billion to TikTok par hi hain. Ab aap samajhne ki koshish kariye ki agar itne log videos bana ke daalte hain aur views millions me aate hain. Iska matbal yah hai ki iske content ko consume karne walon ki sankhya lakhon me hai.
To ab tak humne jana ki lagbhag kitne zyada log iss platform pe apna-apna charas bo rahe hain. Isse to maalik humein yahi lagta hai ki logon ne TikTok ko apna vyavsaya bana liya hai. Aur ho bhi kyun na, akhir iski badaulat unhe achhi khasi kamai bhi ho jati hai. Gaurtalab hai ki ek TikToker (TikTok pe videos banane wala na ki dekhne wala) 1 million followers ke baad 50,000 INR tak ki mahine ki kamai kar sakta hai.
Chalo ab app ke interface ki baat karte hain. TikTok ka ek video lagbhag 15 second ka hota hai. Jisse isme istemal hone wali sound jaise ki gaano ke clips ya dialogues wagiarah copyright ke andar nahi aate. Isliye zyada-tar videos 15 seconds ki hi hoti hai. Ek aur baat pe humari paini nigaah gayi ki baaki video sites ki tarah isme Like ka option to hai lekin Dislike ka option nahi hai. Matlab samjhe ? Nahi. Arre matlab ye hai ki apko feedback hi nahi milega ki aapne video jo banai hai wo logo ko achhi lag rahi hai ya nahi. Option to sirf ek hi hai to log sirf like hi karenge.
Jaisa ki humne apko TikTok naam ke app se taarruf karwaya, apko pta chal gya hoga ki isme kya kuch nahi ho sakta. Aap achchi aur jaankari se bhari video bhi bana sakte hain ya fizul ki bina sar aur pair ke bhi video bana sakte hain. App sahi ya galat nahi hota, aap use istemaal kaise karte hain yah faisla karta hai ki aap sahi hain ya galat.
Bataya jata hai ki TikTok ke sabse zyada users Bhartiya hi the. Yahan ban lagane ke baad TikTok aur mukhya roop se China ko jo laafa pada hai wo asahniya hoga. Khair humein kya, humein to khabar pahochani thi jo ki kar diya ab hum bhi Atmanirbhar banenge.
